Skip to main content

الزواج المسيحي...نَعَم أبديّة

قرّبت الصيفية وبلّش موسم الأعراس الطويل وبلّشت معه الأسئلة اللّي ما بتُخلص ويلّي بكلّ موسم أعراس بطرحها على ذاتي أمام التناقضات بهالموضوع، وتسخيف الناس لهالسرّ العظيم...
كلّ مرّة بكون فيها بعرس واقف على المذبح فوق عم إتأمّل الناس والعرسان، بحسّ بغصّة بقلبي لماّ شوف إنّو أغلبيّة الناس الحاضرين، جايين يحضروا شي "مسرحيّة": بنات "كما خلقتني يا ربّ"؛ ناس عم تتحدّث وتحكي بالكنيسة، عروس عم تاخد "pose" للمصوّرين من ميلة، ومن ميلة تانية عم تسأل الإشبينة إذا ال"make-up" بعدو ظابط؛ عريس مشوّب وعم ينفّخ مش مصدّق تخلص الرتبة ويفلّ...
قدّام هالمشهد الشائع تقريبًا بكلّ الأعراس، كلّ مرّة بسأل حالي نفس السؤال: عارفين شي هالشخصين شو عم يصير بهاللحظات؟ واعيين شي إنّو إبتداءً من هاللحظة، ما جمعه الله لا يفرّقه إنسان. وبالتالي من هاللحظة بالذات صاروا جسد واحد لكلّ العمر؟ واعيين شي إنّو الزواج هوّي مسؤوليّة ومسيرة حياة، وهالعرس منّو إلاّ البداية، وبأنّو هالمسيرة طويلة ورح تكون مليانة بأوقات فرح وحزن؟ مستعدّين يا تُرى يدخلوا بهالمشروع؟
وأكتر من هيك لماّ يجي وقت ال"نعم" تبع العروسين، هل عم يسمعوا فعلاً سؤال الكاهن؟ هل جوابن عم يكون عنجدّ صادر عن قناعة؟ لماّ الكاهن يسأل: "أنتَ يا (فلان) أتَقبل ب(فلانة) زوجةً لكَ بحسب تعاليم الكنيسة المقدسة؟" هل عم يسمعوا العريس والعروس منيح تاني قسم من السؤال؟ "بحسب تعاليم الكنيسة المقدّسة!
أنا بأسف عنجدّ لماّ شوف شخص بدّو يتزوّج عم يقول:"أنا رح إتزوّج (فلانة) هلّق، ولكن إذا بيوم من الإيّام حسّيت إنّو ما بقى حبّها بتركها... إنّو يمكن ما نضلّنا سوا كلّ العمر... معقول الواحد يزهأ مع الوقت..." قدّام هيك تفكير ما بعرف الواحد شو لازم يعمل: ببكي أو بضحك؟؟ لوَين رايح هالمجتمع يلّي شبابه هيك بيفكّر؟ وين القِيَم؟ وين التضحية والوفاء والأمانة؟ كيف هيك أشخاص بدّن يربّوا أولاد؟ وأيّ أولاد رح يربّوا؟ أو مثلاً لماّ شوف شخصين صرلن شي عشرين سنة سوا قرّروا يطلّقوا، بصير إسأل: طيّب إذا قدروا يمشوا سوا مسيرة عمر بالحلوة والمرّا شو تغيّر هلّق؟ وهل للتضخية حدود؟
يا جماعة اسمحولي نظّر شوي عليكن لأنّو في حقيقة الواحد ما لازم يسكت عنها: الزواج الكنَسيّ منّو مجرّد عقد، هوّي سرّ... يعني بالإضافة ل"نعم" الزوجين، الله شاهد على هالزواج، وال"نعم" يلّي بيلفظوها العروسين هي "نعم" أبديّة أمام الله والشعب، على مثال "نعم" الله الأبديّة يلّي فيها التزم بالإنسان نتيجة حبّ بيتخطّى ضعف الإنسان...
يلّي منّو مستعدّ يتحمّل هيك مسؤوليّة وحاطط براسه من قبل الزواج إحتمال إنّو هوّي عندو الحريّة ما يكفّي بزواجه للأبد، فأنا بقول لهالشخص: روح خيّي تزوّج زواج مدني وما حدا جابرَك تتزوّج بالكنيسة وتعلّق حالك بمتاهة طويلة عريضة إنتَ منّك على قدّها...
بالنهاية لكلّ شخص انزعج من حكياتي أو عم يقول عنّي معقّد أو بأنّي عايش بالمثاليّات، بعتذر منّو وبقلّه: يمكن معك حقّ، بسّ أنا مقتنع بقدسيّة الزواج وبآمن بعد إنّو القِيَم (يلّي تُعَلَّم بالعيلة) هيّي ضمانة الإنسان الوحيدة لحتّى يبقى... "إنسان"!

Comments

  1. Rima ZoghbiMay 18, 2011 at 3:29 PM

    RA2I3A!!

    ReplyDelete
  2. UnknownMay 18, 2011 at 4:15 PM

    great post Mirab!:) ..i wish more people see things this way .. sadly enough most people dont know how to love and have no concept of what sacrifice is..

    ReplyDelete
  3. Ta mamanMay 18, 2011 at 4:19 PM

    Bravo Mirab sfi2onn ta2ellak, bass ya ibni le problème c'est que les gens se marient à l'Église par convention et non pas par foi et par amour. Rares sont les personnes conscientes du SACREMENT. Ils sont là pour être unis devant tout le monde et malheureusement non pas pour la vie mais tant que dure l'amour à leur avis, comme si l'amour pouvait être quelque chose de temporaire ou de programmable!

    ReplyDelete
  4. Rita NajjarMay 19, 2011 at 1:49 PM

    Mirab, superbe.
    hope tkoun sariyat al maf3oul bi alb hal 3alam.
    waiting for more posts.
    GBU.

    ReplyDelete
  5. jessica khooryMay 19, 2011 at 4:11 PM

    "chou tghayar hala2?"

    i like it mirabo...

    ReplyDelete
  6. Joelle SafiAugust 30, 2011 at 11:12 PM

    c'est tellement vrai! et tellement desolant...on voit ca tous les jours, des gens qui ont perdu les vraies valeurs, sans parler de la vraie foi...

    ReplyDelete
  7. ZiadOctober 31, 2011 at 1:56 PM

    C'est trop jolie Mirab!!! khsouse 3an el 2iyam li hiye betmayez el ensen 3an el 7ayawen!! enta yemken sta7eit t2oula,bs ana la2 :P
    God bless you

    ReplyDelete

Post a Comment

Popular posts from this blog

Instrument de Ton salut

Je ne me suis jamais rendu compte de la grandeur de tout geste que je faisais, jusqu’au jour où j’ai réalisé que le moindre geste fait d’une manière spontanée et non-intentionnelle peut vraiment être une source de salut pour autrui et la corde avec laquelle il renouera sa relation personnelle avec Dieu. C’est à travers moi et à travers toute personne ouverte à son œuvre et attentive à sa présence cachée dans ce monde, que Dieu agit et révèle son salut à l’homme. C’est pourquoi, mon péché est grand si je tourne intentionnellement le dos à Dieu et si en plus je mésestime le pouvoir vivifiant de Son esprit qui m’habite. Je dis désormais tout ça parce que j’ai goûté la gloire de Dieu à plusieurs reprises dans ma vie, j’ai vu Dieu accomplir le salut d’autres personnes à travers moi, à travers de simples gestes que je faisais avec un grand amour. J’ai été un instrument de salut dans les mains de Dieu… En voyant la souffrance des personnes noyées dans le noir et au bout du désespoir… j’ai ét...
4 comments
Read more

10 سنين كاهن عا مذبح الرب

 بتذكّر كتير منيح هالنهار بتفاصيلو وكيف كنت شايف كهنوتي رح يكون متل السما على الأرض بكنيسة مليانة من كل صفات الإنجيل.  كنت إحلم إثبَت بمحبّة يسوع دايمًا وكون عم عيش متلو مع ذاتي ومع كل الناس.  مرات نجحت ومرات فشلت ووقعت، بس اللي بقدر قولو وإشكر الله عليه بهالـ10 سنين هوي إنّو نَحَت فيي ووجّعني وقِدِر يطلّع مني صورة أحلى عن حالي، أو عالقليلة خلّاني شوف حالي بعيونو، عأمل إنّو خلّي الناس تقدر تشوفني متل ما هوي شايفني وإعكس صورتو الحلوة بكهنوتي.  بالحقيقة الكهنوت مسيرة صعبة وملبّدة بالمطبّات والتحديات وبالوقت ذاتو هوي نعمة عظيمة بتعطي معنى لحياتي ولدعوتي وفيا تعزيات إلهيّة وافرة... كهنوتي فرَحي وإذا بترجع فيي الدني لورا ما كنت بشوف حالي إلاّ كاهن عا مذبح الرب لأنّو معو لقيت الفرح والمعنى لحياتي! كَوني كاهن ما بيعني إنّي كامل (متل ما الناس بتنتظر من كلّ مكرّس). أنا إنسان من العالم، اختارني الله لإخدم العالم.  رح أختصر 10 سنين بـ 10 دروس علَّموا فيي وعلّموني عِبَر بكهنوتي: 1- التواضع: تعلّمت إنّو منّي قادر غيّر العالم اللي موجود فيه ولا قادر حقّق الأحلام التعجيزيّة ال...
Post a Comment
Read more

صورة الله بحياتي

معقول يمرق هالنهار وما عبّرلك عن حبّي وإمتناني الكبير لألله اللّي أعطاني ياكي؟ من أوّل ما وعيت الصبح وأنا عم فكّر بحضورك المميّز بحياتي. شو بدّي قول وكيف بدّي عبِّر عن هالحضور؟ صار عمري ربع قرن وبعترف ما ممكن يقطع نهار وما كون لفظت فيه هالكلمة العزيزة كتير على قلبي: ماما! حضورك يا ماما هوّي أبسط وأحلى تعريف للتضحية والحبّ. لماّ إتطلّع فيكي بفهم كلّ شي ومنّي عايز بقى حدا يعلّمني عن التضحية والحبّ. حضورك لليوم، مدرسة حياة ، علّمني كون إبن لهالحياة وحِبّها مع كلّ نفس بيطلع من تمّي. قليلة شو تحمّلتي تقل دمّي وسمعتي بكي وتفحيش منّي؟ قليلة كم ليلة ما نمتي من ورا "حضرة جنابي"يلّي كنت ضلّني مريض أنا وزغير وحتّى أنا وكبير؟! معقول كيف بعدِك بتعتلي همّي اليوم: أكلت حبيبي؟ أيّ ساعة جايي عالبيت لحضّرلك أكلك؟ أخدت الدوا؟ إلخ... قليلة أدّيش صلّيتيلي مسابح ورافقتيني بدعوتي؟ أنا اليوم أكيد إنّو الفضل الكبير لثباتي بإيماني وبدعوتي هوّي لصلاتك يا إمّي... شو ما قول وشو ما إحكي قليل بحقّك يا ماما، بسّ حابب قلّك إنّو من خلال حبّك وتربيتك ل"أقمارك ال 3" متل ما بتحبّي تسمّينا سماح، نيكو...
Post a Comment
Read more