Skip to main content

كذبة أوّل نيسان

عنجدّ ما بفهم ليش مرات الإنسان بيحب يعمل إشيا مؤذية وبيفتّش عنّا! من هالإشيا حابب اليوم إحكي عن "كذبة أوّل نيسان". هالبدعة يلّي اخترعها المجتمع... ويا عيني على هالإختراع! كلّنا منعرف إنّو المجتمعات بترفض الكذب وبتعتبره "لا أخلاقي" بحياة الإنسان، بس شو بيقولولك؟

-       " 1 نيسان يوم إستثنائي، كلّ شي مسموح بهالنهار، ما معليش الكذبة البيضا مش خطيّة، وفي كذبة بتفرق عن كذبة..."
بشرفكن اشرحولي ياها هالشغلي لأنّو ما عم تفوت براسي! كذبة بتفرق عن كذبة؟؟!
-       "شو بيأثّر إذا استلمنا بعضنا بهالنهار، إنّو حلو من وقت للتاني نتضحّك ونعمل "ضروبة" ببعض"
بس بشرفكن بعدني ما عم إفهم شو الحلو؟ حلو نشوف إنسان معصّب بسبب تلاعبنا فيه؟ شو الحلو بهالشغلي؟ حلو نستهبل بعض؟ شو رح نستفيد؟ شو؟!
كيف الأهل بدّن يربّوا ولادن على الصدق والصراحة ويكونوا مثال قدّامن، لماّ الولد يعمل ضرب بحدا بهالنهار، بيشجّعوه وحتّى في منن بيحضّروا معو الضرب وبيخطّطولوا؟! وقت الولد يشوف أهله قبلانين بهيك شغلي مين قال إنّو هالولد بسّ يكبر ما رح يكفّي يتسلّى بالعالم وتصير "الكذبة البيضا" شي طبيعي بحياته وبدل ما تكون شي مهضوم بتصير مع الوقت تأذي الناس وأوّل المتضرّرين هوّي صاحب الكذبة، صدّقوني!

شي غريب كيف العالم بتتحوّل بهالنهار وبتصير تتنافس على "الضروبة"، ومين صاحب الفكرة الشيطانيّة الأكبر يلّي فيها إبداع وأكتر شي بتخلّينا نضحك! يا جماعة من أيّ متى كان عمل الشرّ مرجلة؟ يمكن تنزعجوا وتخالفوني الرأي لمّا سمّي ال"ضروبة" والكذب بهالنهار عمل شرّ. بسّ أنا عم جرّب كون شوي منطقي وإفهم الإشيا أكتر. ليش دايمًا بدّنا نمشي مع تعاليم المجتمع الفاسدة عن "هَبَل" وجهل؟ مين قال إنّو المجتمع معو حقّ؟ إذا بدّكن تعرفوا الحقّ وتزينوا الإشيا ما إلكن إلاّ يسوع (هيدا إذا كنتوا بتآمنوا فيه) يلّي واضح بهالمجال. يسوع قال بسياق حديثه عن الشيطان "إنّه كاذب وأبو الكذّابين". إذًا الشغلي واضحة وبسيطة: الكذب = عمل شيطاني.
خلّينا ما ننغشّ ونوقع بفخّ الكذب بهالنهار. ليش بدل ما نكون سبب تعصيب لغيرنا و"سمّة بدن" وبدل ما نتضحّك على بعض بهالنهار ما منفتّش العكس ونمشي عكس التيّار، ونكون سبب فرح للآخرين؟ المرجلة منّا بعمل الشرّ بل بعمل الخير! أسهل شي الواحد يأذي ويخرّب والبرهان على هالشي: شوفوا كيف الإنسان قادر  يحطّم بناية طويلة عريضة بظرف دقيقة، بينما بتاخد معو سنين تيرجع يعمّرها... نفس الشي بالنسبة للإنسان (ويمكن أصعب)، نحنا بكلمة ممكن نقضي عليه، بسّ الثقة بدّا سنين لتنبنى...

عم تفتّشوا عن شعور حلو؟ بدل ما تقضّوا ساعات تخطّطوا ل "كذبة أوّل نيسان" استفيدوا من هالوقت لتخطّطوا لعمل خير واعملوه من كلّ قلبكن وشوفوا ملاّ شعور رح تختبروا! إنتو بتكونوا مبسوطين ومرتاحين، والأهمّ من هيك إنّو غيركن بيكون مبسوط وممنون لإلكن...
بهالطريقة بتكونوا عم تحاربوا الشرّ عمليًّا بحياتكن... فالسؤال يلّي بحطّوا على ضميركن اليوم: من أيّ فئة من الناس حابّين تكونوا؟ فعلة الشرّ أم فعلة الخير؟

حلو نتنافس على عمل الخير من وقت للتاني... وكلّ 1 نيسان وإنتو بألف خير...

Comments

  1. valiaApril 1, 2011 at 12:19 PM

    Mirab, en 2 mots jai bcp aime ton texte , tes questions du prkoi ? sont a leurs places,c tres juste et jaime bcp la pensee Bien/mal qui se degage.. a la fin moi jaurai choisi une conclusion moins attendue, le texte aurait aussi pu etre plus court mais bon .. jai commente la dessus mais bizzar ca na pas pris et tout le texte que j'ai ecrit a disparu .. ;) a bientot

    ReplyDelete
  2. valiaApril 1, 2011 at 12:21 PM

    Merci valia pr te commentaires :) je suis ravi que tu ai aime le blog. Mais dommage j'aurai aime que tu commentes au dessous des textes sur le blog :s j'aimerai savoir ton avis toujours, alors n'oublie pas de visiter le blog de temps en temps... A bientot! ;)

    ReplyDelete
  3. ta mamanApril 1, 2011 at 2:13 PM

    Ce que tu dis est vrai Mirab, mensonge = mal, beaucoup de mal alors qu'on peut toujours bien reflechir et bien agir, puisqu'on a le CHOIX de le faire. Moi-meme je souffre beaucoup aujourd'hui a cause de cette stupide kizbit awwal nissan. Allah ysemi7on w y7itt rou7 Allah bi albon

    ReplyDelete

Post a Comment

Popular posts from this blog

الزواج المسيحي...نَعَم أبديّة

قرّبت الصيفية وبلّش موسم الأعراس الطويل وبلّشت معه الأسئلة اللّي ما بتُخلص ويلّي بكلّ موسم أعراس بطرحها على ذاتي أمام التناقضات بهالموضوع، وتسخيف الناس لهالسرّ العظيم... كلّ مرّة بكون فيها بعرس واقف على المذبح فوق عم إتأمّل الناس والعرسان، بحسّ بغصّة بقلبي لماّ شوف إنّو أغلبيّة الناس الحاضرين، جايين يحضروا شي "مسرحيّة": بنات "كما خلقتني يا ربّ"؛ ناس عم تتحدّث وتحكي بالكنيسة، عروس عم تاخد " pose " للمصوّرين من ميلة، ومن ميلة تانية عم تسأل الإشبينة إذا ال" make-up " بعدو ظابط؛ عريس مشوّب وعم ينفّخ مش مصدّق تخلص الرتبة ويفلّ... قدّام هالمشهد الشائع تقريبًا بكلّ الأعراس، كلّ مرّة بسأل حالي نفس السؤال: عارفين شي هالشخصين شو عم يصير بهاللحظات؟ واعيين شي إنّو إبتداءً من هاللحظة، ما جمعه الله لا يفرّقه إنسان . وبالتالي من هاللحظة بالذات صاروا جسد واحد لكلّ العمر؟ واعيين شي إنّو الزواج هوّي مسؤوليّة ومسيرة حياة ، وهالعرس منّو إلاّ البداية ، وبأنّو هالمسيرة طويلة ورح تكون مليانة بأوقات فرح وحزن؟ مستعدّين يا تُرى يدخلوا بهالمشروع؟ وأكتر من هيك لماّ يجي وقت ...
7 comments
Read more

24 ans déjà

24 ans déjà sont passés… 24 ans de vie, 24 ans pleins de souvenirs, pleins de joie et de grâces, sans se vider de quelques moments de tristesse, de douleur et de difficultés. Bref, 24 ans de hauts et des bas… 24 ans de vie… En ce 22 mai de chaque année, je me tiens face à mon existence… je relis ma vie tout en me souvenant de mes origines et en projetant mon avenir… Je réalise que je suis comblé de grâces… Mes pensées volent en ce jour vers Celui qui m’a conçu et qui respire « vie » chaque instant en moi… Je le remercie pour tout ce qui m’a donné et qu’il continue à me donner… Je Te remercie Seigneur non pas uniquement pour ce que tu me donnes, mais même pour ce dont tu me prives, car Toi mon Dieu, tu connais plus que moi ce qui est meilleur pour moi et tu connais surtout ce qui me permet mieux de grandir en Toi… Merci pour mes parents qui m’ont engendré et qui m’ont élevé, merci pour papa, merci pour maman, merci pour mes frères, merci pour toutes les personnes que tu as mi...
6 comments
Read more

Repose-toi sur mon cœur

Au moment où j’étais au sol, aux portes du désespoir et de la détresse, quand je ne voyais que le noir m’entourer, tu m’as tendu ta main et d’un coup tu m’as transporté d’un état d’âme à un autre… Tu m’as soulevé de la prison dans laquelle je m’étais enfermé depuis un certain temps, à un lieu où rien ne demeure sauf   la paix, et pas n’importe quelle paix, mais la paix qui vient de toi. Puis, j’écoute ta voix me dire au fond de moi : « Aie confiance ! N’aie pas peur ! Je connais très bien ta souffrance, j’ai été moi-même là-bas avec toi en chaque instant… Je vivais tout avec toi… Mais, il est temps que tu te libères et que tu goûtes aux prémices de l’éternité auprès de moi. Repose-toi maintenant un certain temps sur mon cœur et que toutes tes blessures guérissent sous la lumière de mon amour. Ne doute plus jamais ! Quoi qu’il t’arrive aie confiance ! Je serai toujours avec toi …Tiens-toi bien à mon amour… » Comme il est beau ce temps de paix que...
4 comments
Read more